نضامي الغذائي || رجيمي الي إتبعتة || رجيم مون - moon || - مدونة آرت

Post Top Ad

الأحد، 2 فبراير 2014

نضامي الغذائي || رجيمي الي إتبعتة || رجيم مون - moon ||

السلام عليكم ورحمه الله وبركاتة

كيفكم ان شاء الله كلكم بخير وصحة وسلامة ... 
مدونة art givin
كثير يطلبون النظام الي اتبعته وقررت احطه طبعا لازم تعرفين ان الاجسام تختلف عن بعض فالي يناسبني ماينسابك والعكس

- فكرة النظام ||
انك تاكلين كل ثلاث ساعات علشان يشتغل جهاز الحرق بالجسم ويصير شغال طول الوقت - انا كنت شغاله اكل -بس- اكل اكلات تكون سعراتها قليلة ووجبات صغيرة
واحيانا اكل يوم كل ثلاث ساعات واليوم الي بعده كل ساعتين كذا علشان مايتعود الجسم على نظام معين ويبطل ينزل الوزن 
ايضا ميزة هالنظام ماحس ابد بالجوع احيانا حتى ماتعشى لاني اكون صدق شبعانه وعلى فكرة الخضار تشبع مرة فالنظام غالبيتة خضار 

- كم ينزل || ؟ 
هالدايت ينزل في البداية كيلوين بعدين يبداء ينزلك من كيلو الى كيلو ونص كل اسبوع وهذا النزول الطبيعي للجسم علشان مايرجع وزنك بسرعه - وطبعا مثل ماقلت الاجسام تختلف عن بعض في نسبة الحرق - فانتي اصبري ولا تستعجلين النتائج 

- نضام الدايت || 

الصباح || شرب 4 اكواب ماء مع عصرة ليمونة  

بعدين رياضة || نص ساعه مشي 
إستحمام

الفطور ||
حبة توست 
مع ( بروتين .. بيضة او زبدة فول سوداني مع عسل 
و حبه خضار 
و حبة فاكهه 
بعد نص ساعه نسكافيه بسكر دايت 

بعد ساعتين برتقالة 

بعد ساعتين أو ثلاث الغداء || 
حبة توست  أو سبع ملاعق رز مع
قطعه ( بروتين ... دجاجة أو سمك  ) مع
سلطة خضراء او نص كوب خضار مطبوخ 

بعد ساعتين 7 حبات مكسرات( لوز أو كاجو أوفستق ) 

بعد ساعتين حبه خضار مقطعة مع جبنة قريش 

العشى ||
علبة زبادي مع عصرة ليمون 

ملاحظات || 
1- يمكن المشي ساعه وتقسم على فترتين الصباح نص ساعه وبعد المغرب نص ساعه 

2- لما اقول خضار او فواكهه اختاري اي فاكهه او خضار تحبينها او موجودة في البيت 
والبروتين نفس الشي مو شرط الي مكتوب اختاري اي بروتين تحبينة 
الرياضة مو شرط الي كتبتها اختاري الي تحبين 

3- لازم تشربين 12 كوب ماء 

4- سوي مساج للجسم قبل النوم او قبل الرياضة بزيت الزنجبيل مدة المساج دقيقتين او حتى تمتص البشرة الزيت ومايحتاج تحطين نايلون او تغطينه باي شي 

5- بالنسبة للمشروب كنت اشرب زنجبيل وقرفة - مو دايم - 

6- اذا حسيتي بامساك - وانتوا بكرامة - اشربي الصباح كوب موية دافية مع ليمون او ملعقة صغيرة عسل حلو هالشي لهالمشكلة وبعد يخفف حجم الكرش 

7- في نهايه الاسبوع خذي لك وجبة مفتوحة كلي فيها الي نفسك فيه 

ان شاء الله استفدتوا 
 لاتنسون تتابعوني على

واذا اعجبتكم التدوينة انشروها

لاتنسون دعم المدونة بمتابعتها والاشتراك فيها من هنا 

مع السلامة 

هناك 6 تعليقات:

  1. الله يعافيك .. طيب وشو زيت الزنجبيل

    ردحذف
    الردود
    1. هلا فيك
      زيت الزنجبيل تحصليني منزلة فديو عنه باليوتيوب شوفية

      حذف
  2. سلام عليكم

    هل الريجيم هذا ينفع للكرش

    لان امي ماتقدر تسوي تمارين، بس مشي وريجيم أكل

    ردحذف
  3. طيب الفطور اقدر اخليه توست وجبنه ؟

    ردحذف
    الردود
    1. ايه تقدر و ضيف خضار طماطم وفلفل رومي

      حذف
  4. الوجبة المفتوحة آكل فيها أي شيء حتى لو كان مقلي

    ردحذف

Post Bottom Ad