الثلاثاء، 5 نوفمبر 2013

تمارين لتصغير الصدر - شد الصدر - رفع الصدر و إعطاءة إمتلاء



السلام عليكم ورحمه الله وبركاته



اليوم بنتكلم عن تمارين للصدر 
( تمارين لتصغير الصدر - شد الصدر - رفع الصدر و إعطاءة إمتلاء )

تمارين لتصغير الصدر - شد الصدر - رفع الصدر و إعطاءة إمتلاء


مثل ماهو واضح بالصورة الصدر مافيه عضلات هو مكون من انسجة دهنية فعلشان تشدينة او تبرزينة انتي محتاجة تشدين العضلة الي ورا الصدر فاي كريم او زيت تستخدمينة مارح يجيب نتيجة لان المطلوب هو شد العضل الموجود بهالمنطقة
< العضلة المقصودة هي الي باللون الاحمر الفاتح

* قبل تصلحين اي تمرين لازم تحطين زيت زيتون او زبدة كاكاو على صدرك علشان ماتطلع علامات تمدد -خطوط بيضاء



- التمرين الأول 

لتصغير الصدر ||
تمرين التصفيق للخلف يساعد بشكل كبير على تصغير حجم الصدر و شدة

طريقتة ||
 تصفقين للخلف بنفس الي بالصورة مية مرة ممكن كبداية تبدائين تصفقين عشرين مرة وتزيدينها لحد ماتوصلين لمية اصلا التمرين سهل ممكن تنفذينه بعد كل صلاة

متى تطلع النتيجة || 
مادري لان الاجسام تختلف عن بعض واستجابتها للتمارين غير اهم شي استمري على الشي مو يوم ولا يومين 

تمارين لتصغير الصدر - شد الصدر - رفع الصدر و إعطاءة إمتلاء

- التمرين الثاني

البوش اب لشد الصدر وتحسين شكلة ||
ووووو يجنن مرة حتى الزنود تخف وهالتمرين المفروض كل انثى تصلحة لانه حلوووو وبس

* لو ماقدرتي تصلحين تمرين البوش اب على الارض تقدرين تصلحينة على الجدار بنفس الموجود بالصورة

طريقتة ||
تصلحينة يوم وترك افضل علشان ماتتعبين العضله و يمدي على العضلة تتشكل تصلحينة عشرين مرة على مرحلتين يعني
 1 2 3 4 5 6 7 8 9 10 مرات
 بعدين راحة دقيقة
بعدين 1 2 3 4 5 6 7 8 9 10 مرات
بعدين راحة الافضل بعد فترة شهر تزيدين عدد التمرين بس اهم شي يكون التمرين مقسم على مراحل مثل ماذكر فوق 


تمارين لتصغير الصدر - شد الصدر - رفع الصدر و إعطاءة إمتلاء

- التمرين الثالث

لرفع الصدر و اعطائة امتلاء وحجم

طريقتة ||
تصلحينة يوم وترك علشان تعطين العضلة فرصة انها تتشكل كل تمرين تصلحينة عشرين مرة على مرحلتين
 1 2 3 4 5 6 7 8 9 10 مرات اوعدات
بعدها راحة دقيقة
بعدين 1 2 3 4 5 6 7 8 9 10 مرات او عدات او تمرين او حركات
بعدها راحة الافضل بعد شهر تزيدين عدد التمرينات وتكون نفس الشي مقسمة على مراحل

- هالتمارين ماتكبر بقووووة بعد البحث و التمحيص و التحليل اتضح لي ان مافيه شي يكبر بشكل ملفت الا العمليات

- هالتمرين لو سويتية بيطلع شكلك حلو ومرتب وتعايشي مع الوضع و حبي جسمك و اختاري الملابس اللي تطلعك بطله حلوة ولاتحكين عن عيوب جسمك عند احد علشان ما يدقق عليك

* اخر شي بعد ماتخلصين تمارين الافضل تمريين موية ( مو باردة مرة ولا حارة )  تكون معتدلة جسمك قادر يتحملها

* ولاتنسين تحطين دايم زيت زبدة كاكاو على جسمك علشان ماتطلع خطوط بيضاء 


هذا هي التدوينة لليوم اشوفكم بتدوينة ثانية 
 لاتنسون تتابعوني على

واذا اعجبتكم التدوينة انشروها

لاتنسون دعم المدونة بمتابعتها والاشتراك فيها من هنا 

ومع السلامة والله يحفظكم 

هناك تعليق واحد:

  1. الله يعطيك العافيه انا تعبت وانا ادور شي يصغر صدري بسوي تمرين التصفيق لورا و ي رب ينفع لاني جد جد تعبت

    ردحذف