السبت، 15 فبراير 2014

كيف تقدمين عرض بوربوينت دون توتر - Presentation without fear

السلام عليكم ورحمه الله وبركاته 

كيفكم ان شاء الله انكم بخير وصحه وسلامه 
اليوم ان شاء الله بقولكم نصائح اوخطوات تساعدك على انك ( تقدمين عرض بوربوينت بدون توتر )
او يخفف من التوتر والخوف من الوقوف قدام البنات 


هي خطوتين :


 أولا في البيت /
- حضري الموضوع الي بتلقينه امام الطالبات اما بحفضه او كتابته في نوته صغيره لي تقرئي منه في وقت عرضك

- وحاولي تدربين على الالقاء (وهو انك توقفين قدام المرايه وتشوفين شكلك كيف وانتي تعرضين وتشوفين وش الاخطاء وتتعلمين حركات الجسم وتعابير وجهك  .... )
 
 ثانيا في الجامعه /

اذا جا وقت العرض
 
- تنفسي بعمق

-ابدائي تخيلي ان الكراسي ماعليها احد وانك انتي الي لحاله بالقاعه ( الكراسي فاااضيه بس انتي الي موجوده بالقاعه ) 

- ركزي عينك على نقطه معينه تكون قدامك (مثلا ركزي عينك على كرسي او طاوله لان فيه بعض البنات اذا ناضرت الي قدامها تتشتت وتنسى الكلام الي تبي تقوله ) اهم شي لا تناضرين بالارض علشان ما يحسونك انك ضعيفه وخايفه 

- اقنعي نفسك انهم كلهم مثلك بشر وعادي لو غلطتي او تلعثمتي بالكلام  واصلي لين تخلصين العرض حقك 

- قولي بينك وبينك نفسك انا اقدر وانا قويه وراح اقدر اوصل المعلومات للبنات 

- حاولي يكون الموضوع بدون تفرعات ممله علشان البنات ما يملون وينقلون لك هالاحساس وبعدين ترجعين للتوتر 
عطيهم المفيد بطريقه سلسله ونتقلي بين الاصوات علشان ما تكونين بصوت واحد يجيب الملل يعني اذا الفقره حماسيه انتقلي للصوت الحماسي واذا الفقره عاديه تكلمي بهدوء وحاولي تتدرجين في المعلومات من السهل الي المعقد وحاولي تشاركين البنات - المستمعات - بالموضوع يعني اسئليهم وناقشيهم وجيبي لهم هدايا بسيطه علشان يكون موضوعك حلو وحماسي 

آخر نصيحه // 
اذا حسستي الي قدامك بقوتك وقدرتك وتمكنك تنقلين له هالاحساس ويحس ان الي قدامه قادره على انها توصل شيء 
اما اذا كانت شخصيتك مهزوزه فانتي تنقلين له هالشي بعععد ويحس ان ماعندك سالفه ويطنشك 

هالخطوات تساعد على انها يخفف التوتر
وكل ما طبقيتها وتعودتي عليها تصير العروض عندك شي سهل وما تشيلين همه

وهذا فديوو على اليوتيوب للي حاب يشوفه عباره عن برودكاست

http://youtu.be/x1520sQzPDQ

ان شاء الله عجبكم الموضوع اتمنى تنشرونه يا بنات من باب حب لأخيك ما تحب لنفسك
ارسلوه على البي بي والواتس اب خلوو البنات تتعلم وتتطور نفسها وتقل الرهبه الي تجي قبل هالعروض 
ولو عندكم اي موضوع حابين اتكلم عنه او افيدكم فيه ياليت تراسلوني وانا موجوده بجميع وسائل التواصل الاجتماعي
( تويتر -إنستقرام - يوتيوب ) او اكتبوا لي بالمدونة هنا 

* ملاحضه / الصور من قوقل
اشوفكم في تدوينه ثانيه

 لاتنسون تتابعوني على

واذا اعجبتكم التدوينة انشروها

لاتنسون دعم المدونة بمتابعتها والاشتراك فيها من هنا 


ومع السلامه 

هناك تعليق واحد:

  1. من جد نصائح روعة . حلو الوحدة تدرب على العرض وتستعد قبل الموعد علشان تتعود عليها وتخف عنها المعوقات النفسية. الله يعطيك العافية موضوع قيم وشيق.

    ردحذف