وهذا عيدي - This me Eid - مدونة آرت

Post Top Ad

السبت، 25 أغسطس 2012

وهذا عيدي - This me Eid


السلام عليكم ورحمه الله وبركاته 
*عيد الفطر 1433 - 2012  
شخباركم وعلومكم ان شاء الله انكم بخير وصحه وسلامه 
وكل عام وانتم بخير < بعد الزحمه <عادي العيد ست ايام 

اليوم بحكي لكم ايش سويت باول يوم بالعيد 
وهالعيد بلا مبالغه من اجمل الاعياد لان صار لي فتره مارحت اصلي العيد 
وبهاالعيد حمد لله رحت شفت العيد الصدقي ( بمسجد العيد )
عالم ثاااني الي ماتروح للمسجد تروح والله صدق فرحه العيد كلها فيه 

كان العيد يوم الاحد وقررنا احنا يا الحريم اننا كلنا نروح للمسجد مع اني بالبدايه قلت لا ماني رايحه بس الفجر غيرت رايي 
طلعنا للمسجد  الساعه 5:15 دقيقه وكان الجو صافي 
 
  

وهذا اخووي يسوق فينا  للمسجد  

كاشخين يا زينهــم 

واول ما دخلنا للمسجد صلينا لان كنا متاخرين
وهذا بعد ماخلصنا من الصلاه  قعدت اصور جوانب من المسجد طبعا احنا نصلي في براحه كبيره علشان تكفي الناس  
 
الله يسعدهم كانوا يوزعون عيديات للأطفال

وأول الغنائم -العيديات - > طبعا مو لي تهي تهي لاختي الصغيره
بهالوقت ودي اسوي نفسي طفله علشان يعطوني :( 

وهذا ما تم جمعه من الغنائم  الله يعافيهم ما قصروا يفرحون الاطفال بهالعيديات والله انهم يستانسون فيها حتى لو حلاوه 
احنا خذنا معانا حلاو بس ماصورته لان انا رحت اوزع شبسات ومالحقت اصورها  العيد الجاي ان شاء الله اصورها لكم 

وواحنا بالطريق للبيت كنا نبي ناخذ فول وتميس بس مالقينا ولا محل فاتح 
ورجعنا وعيدنا بعض كنا اول مره نشوف بعض ونعايد ونتعايد مدري وش نحس فيه والله
وبعدها قعدنا نتقهوى وناكل من حلاو العيد 

ولما تقهوينا وخلصنا جلسنا لين الساعه 12 ونص وطبعا اختي الله يعافيها صلحت لنا فطور 
وبعديييين تعرفون التكمله > تعرفون الغيبوبه السعوديه 
كلناااا نمنا وصحينا في الليل نعايد اهلنا 
وحمد لله العيييد هالسنه غير عن كل الاعياد حلووو الله يعيده علينا وعليكم بالحال الزينه
ان شاء الله عجبكم يومي العيدي البسيط 
 لاتنسون تتابعوني على

واذا اعجبتكم التدوينة انشروها

لاتنسون دعم المدونة بمتابعتها والاشتراك فيها من هنا 

   ومع السلامه  

ليست هناك تعليقات:

إرسال تعليق

Post Bottom Ad