الجمعة، 17 أغسطس 2012

مناكير الشهر - Manicure

 السلام عليكم ورحمة الله وبركاتة 

 شخباركم ان شاء الله انكم بخير وصحة وسلامة 
 وكل عام وانتوا بخيير قبل الزحمممه <=

من منا ما تحب المناكير 
جد هووو يحلي اليديين ويخليها فتنه < علشان كذا لا تحطونه وتطلعون للسوق  لان صدق يفتن ويحلي اليديين
بالنسبه لي اكتفي احط منه مره بالشهر بفتره البريود
او اذا انا معزومه على عشاء احط منه
لذلك ما اهتم اني اشتري ماركه اهم شي ان لونه يكون عاجبني وسعره مناسب لي
لان حرام اذا مره بالشهر احط منه بيخرب بسرعه وتعرفون المناكير ما تدوم احيانا تنشف وتقطينه
واليوم ان شاء الله راح اوريكم مناكير الي دايم احطها وسعرها من 15 الى 30 ريال سعودي  

وهذا صندوق المناكير / 
مناكير الشهر - Manicure



طبعا اهم شي علشان يضبط المناكير لازم واجباري تصلحين ليديينك بديكير او على الاقل تكونين قاصه اضافرك بنفس الطول وشايله الزوايد الي بالجلد ومهتمه بيدك بالكريمات واحلى كريم لليد هو كريم جرجنز بالصبار صدق روعه لليد اتمنى تجربونه
مناكير الشهر - Manicure

أول شي المناكير الاساسية وهي من الالوان الي المفروض تكون بدرج كل وحده فينا
وهي الاسود والبني والاحمر بدرجاته المختلفه والزهري وهالمناكير تقريبا هي اكثر شي استخدمها واحللها صدق

ثاني مناكير مهمه عندي وهي مناكير الفرنسيه طبعا ما يحتاج اقولكم قد ايش هي تحلي اليديين وخصوصا اليد السمرا هالجموعه جاي معاها لصقات علشان تضبطين المناكير الفرنسيه بس خلصت 

المناكير الفراحيه بالوان مبهجه وهي شفافه علشان تبان لازم احط منها طبقتين بس الوانها حلوه وهاديه

المناكير اللماعيه سميتها كذا لان فيها شويه لمعه مو اللمعه القوية لااا لمعه مطفية واحس لما احطها تعطي نظاره وحيوية ليدي

واخر شي بمناكيري الفسفوري عندي منها واحد بس ماعجبتني هالالوان الفسفوريه وماحط منها كثير واكتفيت اني شريت منها هاللون بس وماتوقع اني بشتري منها

* حركات ما عجبتني بالمناكير /  :(
- اشووف البنات طايحيين بالرسم على الاضافر بس للحين ما بعد تدخل مزاجي هالفكره احب المناكير المرتب الي يكون كله لون واحد او اني اصبغ كل اضافيري بلون واحط بضفر لون محايد مثل كذا 

- المناكير المعتق او المكسر ماعجبببني ابد ومستحيل احطه اول ما اشوفه على البنت احس المناكير مطول على اضافرها وبداء يتقشر

- الي تصبغ اضافرها كل ضفر لون مو حلوو ابد هالحركه تنفع للاطفال ماحسها تنفع لحرمه كبيره رزه 

^_^ طبعا فيه اضافه جديدة باستايل المدونة وهو مناكير الشهر كل شهر ان شاء الله بحط صورة المناكير الي حطيته يمكن وحده يعجبها اللون وتروح تشتري مثله او اذكرها باللون اذا هو عندها بالخزانه تحط منه

والمناكير لهالشهر وهو الذهبي 

اول مره احط هاللون وبصراحة صدق حلووو ويعطي نظاره لليديين واذا تبين يطلع حلو حطي منه طبقتين

 معلومه على السريع اذا كنتي معزومه ومحتاره وش تحطين مناكير حاولي ان المناكير يكون نفس درجه الروج 
يعني مو تحطين روج احمر وتحطين مناكير زهري انتتتتبهي بيكون فيه تناقض قووووي فحاولي يكون المناكير مائل لدرجات الاحمر والعكس صحيح

ان شاء الله استفدتوا من الموضوع 
اشوفكم ان شاء الله قرررريب 
ومع السلامه 

ليست هناك تعليقات:

إرسال تعليق