الجمعة، 27 يوليو 2012

كاري الدجاج - Chicken Curry

 السلام عليكم ورحمة الله وبركاته

وشخباركم ان شاء الله انكم طيبين وبصحه وعافيه 
احس اني فاقده المدونة بقوووة تعرفون رمضان والواحد ما يلاقي وقت ابد انه يقابل هالكمبيوتر
صحلت قبل كم يوم كاري الدجاج وعجبنننني ماره لانه اكل هندي وانا احب الاكل الهندي بهارات وفلفل يممممي

نبدااااء



المقادير:
الكمية / تكفي لـ خمس اشخاص تقريبا والمقادير بالنظر 
دجاج مقطع لمربعات كبيره شوي 
بصل متوسطه الحجم تقطع لمربعات صغيره 
ملعقه صغيرة ماسالا < المسالا اتوقع بالهندي يعني بهارات وهالبهارات الي عندي بهارات الدجاج اذا ماعندكم هالبهار استبدليه بمكعب ماجي بس الميزه بهالبهار انة مليان فلفل 
ملعقه صغيرة كاري
علبه قيمر او قشطه 
وبهارات مشكله او بهارات جددتي الي موجوده بهالرابط  هنا  عاد انتوا وذوقكم بالبهارات ولاتنسون الملح
كوب ونص ماء < ماصورته السموحه 

- نضع بالمقلاه او القدر زيت شوي بس علشان ما يلصق البصل بالقدر وبعدين نضع البصل ونحركه الى ان يكون البصل شفاف 
- وبعدها نضيف الدجاج المقطع ونحرك الدجاج الى ان ينضج من جوه ومن برا انتبهوا يكون نيء لان احنا قطعناه كبار وبيطول علبال ما ينضج 
- وبعدين نضيف البهارات ونقلب كل شي مع بعض واللون الاصفر الي بالدجاج من الكاري <
- وبعدين نضيف القيمر ( القشطه) اذا كانت القشطه قوامها ثقيل اضيفي لها شويه مويه علشان يخف ثقلها 
- وبعدين اضيف كاس ونص ماء واتركيها على نار متوسطه لمدة 10 دقايق تقريبا < علشان المكونات تتسبك مع بعض وتندمج


وهنا خلصنناااا 
وهذا لما حطيتها بصحن التقديم واضفت شويه بقدونس للتزيين < لزوم الكشخه  
وكقتراح للتقديم ممكن تاكلونها مع خبز 
او ممكن تاكلون مع رز بالطريقة المصرية < وهذا الي سويته   
والله الطبخه من دون مجامله لنفسي حلوه
وتنفع لفطور برمضان بس انتبهوا لاتاكلونها سحور ولا بتتورطون لان البهارات والفلفل يجيب الضماء يعني العطش يعني بتحتاجون تشربون ماء
وحتى سريعه ماتاخذ وقت لوصلحتوا تجهيز مسبق وقطعتوا البصل والدجاج من قبل بوقت 
ان شاء الله عجبتكم الاكله واتمنى انكم تجربونها وتقولون لي تجاربكم 
 لاتنسون تتابعوني على

واذا اعجبتكم التدوينة انشروها

لاتنسون دعم المدونة بمتابعتها والاشتراك فيها من هنا 

مع السلامه 

ليست هناك تعليقات:

إرسال تعليق