الثلاثاء، 24 يوليو 2012

تطبيق - سحب ركامية


السلام عليكم ورحمة الله وبركاتة 

شخباركم  ان شاء الله انكم كلكم بخير وصحة وعافيه 
والشهر عليكم مبارك وتقبل الله صيامكم وقيامكم

اليوم الموضوع مختلف عن الطبخ والنفخ  كنت مخلصه من الموضوع قبل ما يدخل رمضان بكم يوم بس توني أفضى أحطه بالمدونة
وهو اني شفت فديو لوحدة باليوتيوب اسمها (مس كاندي) والانسانه قناتها تجنن فيها رسومات وخياطه وكل شي حلو ومفيد انصحكم تتابعونها
وهذا رابط الدرس الي طبقته منها  هيا نلون - سحب ركامية  اضغطوا علي سحب ركامية علشان تنتقلون للفديو 
 
واللحين نبداء التطبيق 
هذي الادوات الي استخدمتها مثل ما قالت مس كاندي بالفديو بس انا استخدمت اللون البني لان اللون الاسود كان مخلص من عندي واستخدمت هذي النوعية من الألوان إلي طفشتني لانها ماتمشي بالتلوين واحاول اخلطها بماء بس ما تنخلط ابد ولما سالت قالوا لي ان هذي الوان زيتيه وان الالوان الزيتيه لازم تخلط بالزيت مو بالماء
واستخدمت هالكراسه ورقها حلووو وقوي 
وفرشاه الرسم و صحن لخلط الالوان انا استخدمت العاب اختي حقت الرمل  


هنا بدأت تلوين وبدات من تحت باللون الازرق وبعدين لونت فوق الازرق باللون البني علشان يكون غامق لاني احترت في الدمج مادري وش اللالوان الي ادمجهم مع بعض علشان يطلعون لي اسود 

وبعدين نكمل تلوين بطريقه مس كاندي وانا لونت الرسمه وبعدين ما اقتنعت باللون الازرق الي بالنص وتركت الرسمه يوم كامل علشان تجف لان الاوان الزيتيه ما تجف بسرعه وبعد يوم كامل رجعت الون الرسمه واصلح تدرج بالالوان لحد ما اقتنعت بالتدرجات 
وهذا بعد ما لونت الازرق الي بالنص ودرمجته بشكل حلو ومرتبه

وبعدين رسمت الغيوم او السحب الركامية طبعا ما صورت هالخطوه لاني جد تعبت فيها الالوان ما تساعد علي اني الون زين وبعدين اول مره ارسم هالنوعيه من الرسمات فكانت صعبه شوي 
ورسمت القمر بس كبرته واستخدمت كاس علشان يكون قطر الدائرة متساوي ومايكون متعرج

واخر الموضوع ان شاء الله عجبتكم رسمتي حتى لو هي مو احترافيه اهم شي ان الشخص  يحاول ويستمتع بالشغل الي يسويه 
وانا حمد لله راضيه عن الرسمة وحطيتها بإيطار وعلقتها بالصالة عاد مدري اهلي يجاملوني ولا صدق عاجبتهم وتاركينها للحين ما شالوها
بس ما اقوووولكم صدق صدق استمتع بهالرسمه لاني من عشاق الطبيعه وخصوصا القمر ليله 14 سبحان الخالق فيه جمال مو طبيعي
لا تنسون تختمون القرآن حبايبي بهالشهر الفضيل
واشوفكم بموضوع ثاني ان شاء الله احلى واجمل
 لاتنسون تتابعوني على

واذا اعجبتكم التدوينة انشروها

لاتنسون دعم المدونة بمتابعتها والاشتراك فيها من هنا 

حفظكم الرحمن ومع السلامة 

هناك تعليقان (2):

  1. يا الله .. إيش الحركات الحلوة هذي.. فن وذوق. عساك على القوة.

    ردحذف