البسبوسة التقليدية - مدونة آرت

Post Top Ad

الاثنين، 25 يونيو 2012

البسبوسة التقليدية


السلام عليكم ورحمة الله وبركاتة
كيفكم ان شاء الله كلكم بخير وصحة وسلامة
أمس صلحت بسبوسة وعجبتني وعجبت اهلي وراح اعتمد هالطريقة والمقادير للبسبوسة التقليدية طبعا هالبسبوسة ميزتها ان طعمها حلو وخفيفه لان مافيها سمن وهالاشياء الي متعودين عليها بطرق البسبوسة
وهذي صورة للتشويق

نبداء بالمقادير / 
 1 كوب سميد
 1كوب سكر
 1كوب جوز الهند
3 بيضات
 1علبة قيمر او قشطة
1 ملعقة صغيرة بكنج بودر
1 ملعقة صغيرة فانليا

مقادير الشيرة او القطر/
كوب سكر
كوب ماء
نخلطهم مع بعض ونتركهم  يغلون على النار ثمان دقائق الى ان يكون كثيف 

طريقة البسبوسة /  
  نخلط المقادير السائلة مع بعض ونضع البكنج بودر والفانليا 

بعدين نضيف السكر ونواصل التحريك  
 

ونضيف جوز الهند ونستمر بالتحريك

وبعدها السميد ونحرك الي ان تمتزج كل المكونات 

 بعد الخلط نترك المزيج يرتاح شوي لمدة ثمان دقايق ونسخن الفرن

ونجهز الصينية او البايركس الي بنحط فيه البسبوسة بدهنها بطحينية سايلة واذا مافيه طحينية نقدر ندهنها بسمن او زيت  

ونصب البسبوسة بالصينية 
البسبوسة التقليدية , البسبوسة التقليدية , بسبوسة التقليدية , طريقة عمل البسبوسة التقليدية ,  البسبوسه التقليديه 

ونزينها بالطريقة الي نبي ممكن نخليها سادة بدون تزيين او نحط لوز شرايح 
في البداية حطيت لوز شرايح بعدين تذكرت ان عندنا لوز بني  
 
   
ونخبزها بالفرن الين تتحمر 
انا حمرتها بقوة لين صارت ذهبية 

اول ما تطلع من الفرن اسقيها بالشيرة(القطر) اهم شي تكون الشيرة حاره والصينية حاره بعد 
وتترك لتبرد ثم تقطع < هالخطوه مهمه لان لو قطعتيها وهي حارة بتتفتت اذا بردت تتماسك اكثر 

وهذا هي بعد ما قطعتها مع فنجال قهوا عربية يا سلام على طعمها روعه وخفيفة 
  

شوفوا من جوه تهبل وروعه 
 
 وهذي من اجمل البسبوسات الي سويتها
ممكن تسوينها محشيه بالكاسترد او القشطة وهي انك تحطين طبقة من البسبوسة بعدين تخبزينها وبعد ماتطلع من الفرن تحطين القشطة وفوقها تصبين طبقة بسبوسة وتخبزينها بالفرن من فوق بس علي حراره متوسطة او تغطينها بقصدير وتدخلينها الفرن وتنضج على راحتها وتكون عندك احلى بسبوسة محشية ولازم لازم التقطيع يكون والبسبوسة باردة علشان ما تتفتت 
ان شاء الله عجبتكم بسبوستي
 لاتنسون تتابعوني على

واذا اعجبتكم التدوينة انشروها

لاتنسون دعم المدونة بمتابعتها والاشتراك فيها من هنا 

واشوفكم بموضوع ثاني ان شاء الله 
بحفظ الرحمن

هناك تعليقان (2):

Post Bottom Ad