طريقة صنع قطوه بالجوخ - مدونة آرت

Post Top Ad

الأربعاء، 6 يونيو 2012

طريقة صنع قطوه بالجوخ

السلام عليكم ورحمه الله وبركاته

من زمان ونفسي اجرب قماش الجوخ بس ما صارت لي فرصه
وامس الاربعاء بما اني فاضيه قلت خليني اسوي شي في القماش
فخذت قماش وابر وخيوط من اختي وجهزت طاوله العمل والادوات 

وجهزت الفكره هي اني ابي  اسوي قطوه والهمتني هالصوره < وانتي الصادقه حاولتي تقلدينها


واخترت الالوان الي ابي استخدمها وفضلت انها تكون الوان فراحيه

بعدين رسمت البترون
 
ثم قصيته
  
وثبت الباترون علي قماش الجوخ وبديت اقصها هنا احسن شي لكم انكم تستخدمون مقص حااد وخاص بالقماش علشان ما يتعبكم القص ويكون القص مرتب انا عن نفسي تعبنننني القص بقوه


بعد ماقصيت كل اجزاء القطوه
 

نبدا اللحين بالخياطه خيطيها باي غرزه تعرفينها انا طلعت معاي هالغرزه بالصدفه وكملت عليها
 

وهذي الوجه واليديين حقت القطوه 


وهذي بعد ما خيطت كل الاجزاء باقي بس اجمعهن
 

والنتــــــــــــــيجه


طلعت معاي تعليقه حلوه وكيووووت ماره 
تقدرين تعلقينها علي الشنطه او تعليقه مفاتيح او وتحطينها على طوق ساده ينفع للاطفال
طبعا ما ننسى خلف الكواليس

طبعا لازم هالحوسه 
بصراحه استمتعت بالشغل ووخذا مني وقت من الساعه 7 المغرب الي الساعه 9ونص
بنص الوقت حسيت اني تعبت وكنت بخربها بس قلت يا بنت اصملي للاخير وكملي
وحمد لله فرحت بالنتيجه فالي تحس نفسها من النوعيه الي تتعب بسرعه تقسم الشغل لو علي يومين يوم تقص ويوم تخيط اهم شي الاستمتاع
حشيت الدميه بقطع من بقايا الجوخ يعني البقايا لا ترمينه استفيدي منه بحشوات الدمى احسن لك بدل التبذير ولا هو المفروض تحشينه بقطن بس انا ماعندي قطن 
وكانت تجربه حلوه ماره ان شاء الله اعيدها
ان شاء الله عجبكم الشغل واشوفكم في تدوينه ثانيه
 لاتنسون تتابعوني على

واذا اعجبتكم التدوينة انشروها

لاتنسون دعم المدونة بمتابعتها والاشتراك فيها من هنا 

هناك تعليق واحد:

Post Bottom Ad